ХИРУРГИЯ МАРКАЗИДА ҚАНДАЙ ЯНГИ ТУРДАГИ МУРАККАБ ЖАРРОҲЛИК АМАЛИЁТЛАРИ БАЖАРИЛМОҚДА?
Бугун мамлакатимизда кардиология йўналишида илғор инновацион технологиялар, ташхислаш ва муолажа усуллари амалиётга кенг жорий этилмоқда.
Хусусан, академик В.Воҳидов номидаги Республика ихтисослаштирилган хирургия илмий-амалий тиббиёт марказининг интервенцион кардиология, рентгено-эндоваскуляр жарроҳлик ва юрак ритмининг бузилиши бўлимида юрак ва томирларда кам инвазив усулда, яъни очиқ операцияларсиз мураккаб жарроҳлик амалиётларини ўтказиш йўлга қўйилган.
Айни пайтга келиб, мазкур бўлимда йилига 2-2,5 мингта ангиокардиографик текширишлар ва минимал инвазив операциялар бажариляпти.
Жумладан:
500 нафар беморда коронар артерияларни стентлаш;
100 нафар беморда диабетик оёқдаги периферик артерияларда амалиётлар, уйқу артерияларни стентлаш;
200 нафардан ортиқ беморда юрак ритмининг бузилишида имплантация ва радиочастотали абляция операциялари ўтказилмоқда.
Қолаверса, 2021 йилдан бошлаб 6 та стент-графт эндоваскуляр ҳамда 8 та аорта ҳолатида ўз-ўзидан очиладиган клапанни транскатетер имплантацияси бажарилди.
Соғлиқни сақлаш вазирлиги
Матбуот хизмати.
Leave a Comments